Хоразм вилояти санитария-эпидемиологик осойишталик ва жамоат саломатлиги бошқармаси ходимлари ҳамда Хоразм вилояти ички ишлар бошқармаси ходимлари билан ҳамкорликда Гурлан туман марказий дехқон бозорида назорат тадбирлари ўтказилди.

Тадбир давомида бозор ва шахобчаларда фаолият олиб бораётган сотувчиларнинг тиббий кўрикдан ўтган ҳолда махсус кийимларда савдони амалга ошириши, номаълум шароитларда тайёрланган сифати ва хавфсизлигини таъминловчи ҳужжатларга эга бўлмаган маҳсулотларни сотмаслик, ветеринария-санитария қоидаларига риоя этган ҳолда фаолият юритиш бўйича тушунтириш ишлари олиб борилди.

✔️Аниқланган қонунбузилиш ҳолатлари юзасидан тегишли маъмурий баённомалар расмийлаштирилиб, бундай ҳолатларни бартараф этиш юзасидан масъулларга тегишли кўрсатмалар берилди.